Tapa Room (已搬遷) 新店位置

今日同闺蜜出去铜锣湾行街街，行到好攰嘅时候本身想去Cafe坐下，但系闺蜜又话想饮啲酒chill下，之前已经嚟过tapa room，可以饮下酒食下水烟，再加埋我觉得佢哋呢度嘅小食真系唔错。我哋就每人叫咗一杯野饮，红色个杯入边有少少苹果甜甜地都容易入喉。黄色个杯就入边有菠萝不过我就唔太钟意呢杯啦，反而朋友又好钟意㖞呢啲真系见仁见智。可能我本身唔太钟意菠萝呢个水果我哋叫咗个八爪鱼冷盘，八爪鱼唔会太过硬，我觉得佢哋呢度嘅食物最紧要系酱汁佢哋嘅酱汁令到成件事加晒分。另外推荐嘅系佢哋嘅鹅肝多士，多士烘得脆卜卜，鹅肝虽然份量唔系好多不过都好重鹅肝味。我哋今次嘅座位仲特登拣咗喺路边，虽然而家系夏天但系唔太热，最紧要成个感觉好chill