Sky726

经过上次嘅法国菜后，就对fine dine好有兴趣，就揾左依间系旺角闹市嘅靓景餐厅。环境布置有格调，如果坐系窗边就可以欣赏旺角嘅夜景。今次点左香煎带子宽条面伴烟红椒汁，平时食宽条面多数都系蕃茄汁或者忌廉汁，今次系第一次试烟红椒汁，本身几惊佢会好辣，但食落一D辣味都冇，但食落有淡淡嘅胡椒味。佢整体黎讲几好味，因为宽条面食落有少少弹牙，冇煮到好淋，而带子食落几鲜甜。虎虾意大利饭伴龙虾牛油汁真心唔错，首先龙虾牛油汁同个饭非常夹，龙虾味非常浓，牛油令到个饭更加香，佢仲加左芝士，令到成个饭更加好味。意大利饭入口好creamy，吸晒龙虾汁，而虎虾就几弹牙，虾味都浓。