影片
更多
2016-10-31
268 浏览
一向喜欢食自助餐，但系半自助餐就唔系成日试，今次经朋友推荐之下，相约一齐黎左四季禅，试试日式半自助餐既滋味。可能因为系平日晚上6点既缘故，现场顾客唔多，只有两三台，环境更加安静舒适，我地被安排到餐厅靠窗最入面既位置，竟然仲可以远眺香港醉人夜景。名副其实对住靓景食好野，环境感觉一流。虽然可以单选自助餐，但贪心既我地都系选择左main course+semo-buffet,如此一来就可以试更多既野食。我拣左滑蛋松叶蟹肉自家制乌冬（$498）。拣完main course要食咩之后，首先餐厅员工会先上一个寿司拼盘，包括有海胆寿司、玉子寿司、火焰三文鱼寿司、北寄贝寿司同埋带子寿司。其实每一款寿司都系任食既，不过餐厅就会俾你试晒咁多款先，之后再拣自己中意食既encore。唔可以睇少buffet既质素。虽然任食，但海胆寿司绝对高质，非常新鲜鲜甜，无腥臭味，而且口感好滑。火焰三文鱼系我第二最爱，半熟三文鱼油脂感丰腴，而且鱼香十足。呢两款寿司都俾我地encore左好多次，实在太令人回味。之后就到自助区。虽然系semi buffet, 但食物款式多箩箩，应有尽有，而且每一款都看似吸引，即使无main co
可能因为系平日晚上6点既缘故，现场顾客唔多，只有两三台，环境更加安静舒适，
我地被安排到餐厅靠窗最入面既位置，竟然仲可以远眺香港醉人夜景。名副其实对住靓景食好野，环境感觉一流。
虽然可以单选自助餐，但贪心既我地都系选择左main course+semo-buffet,如此一来就可以试更多既野食。我拣左滑蛋松叶蟹肉自家制乌冬（$498）。
拣完main course要食咩之后，首先餐厅员工会先上一个寿司拼盘，包括有海胆寿司、玉子寿司、火焰三文鱼寿司、北寄贝寿司同埋带子寿司。
其实每一款寿司都系任食既，不过餐厅就会俾你试晒咁多款先，之后再拣自己中意食既encore。唔可以睇少buffet既质素。虽然任食，但海胆寿司绝对高质，非常新鲜鲜甜，无腥臭味，而且口感好滑。火焰三文鱼系我第二最爱，半熟三文鱼油脂感丰腴，而且鱼香十足。
呢两款寿司都俾我地encore左好多次，实在太令人回味。之后就到自助区。虽然系semi buffet, 但食物款式多箩箩，应有尽有，而且每一款都看似吸引，即使无main course都绝对可以食到捧腹而行。
首先，前菜方面选择有沙律，有各种新鲜蔬菜野菌可供选择，沙律酱汁都有数款，我拣左开胃可口既芝麻酱。
再有各款冷盘，例如海鲜同埋鱼生。海鲜方面例如有青口、长脚蟹、大虾、螺肉等等，
鱼生选择就有三文鱼、吞拿鱼、希灵鱼、甜虾、油甘鱼、剑鱼等等。全部都非常新鲜高质，尤其系吞拿鱼更有惊喜，入口即溶，味道同拖罗有几分相似。
卷物选择都非常多而且好吸引。当中鳗鱼箱押寿司同埋芝士炸虾卷最得我心。辣汁吞拿鱼卷都系不错既选择，味道丰富，质素毫不马虎。
除了冷盘当然仲有好多热食选择，天妇罗、章鱼烧、烧肉，甚至有鹅肝多士提供。
非常推荐大家食鹅肝多士同埋清酒煮蚬。两者都系好味，而清酒煮蚬更系鲜甜之余，有清酒独有既香气，又清又甜。
出面semi buffet食左round之后，所点既main course就到啦。听闻四季禅既乌冬系全自家制，而呢碗滑蛋松叶蟹肉自家乌冬味道果然唔错。
乌冬比起一般乌冬更粗而去更有口感。汤底非常鲜甜，松叶蟹肉份量都好慷慨，
唯一可能系味道浓味左少少。
之后就到左dessert环节。甜品款式大概有4-5款，例如蜂蜜蛋糕、朱古力蛋糕、焦糖蛋糕、蕨饼等，亦有水果提供。
估唔到竟有蕨饼任食，实在太令人幸福。而且呢到既蕨饼味道好好，每一件都沾满黄豆粉，口感烟韧，味道甜美。
呢一餐我同朋友都食得好满足，每一款食物都非常合胃口，而且又有夜景睇，服务态度又好贴心，绝对会再黎一次。
张贴
