蝦蝦麵 (已結業)

3-10-2010九龙城泰国食店多的是, 供应星马菜的却 3 只手指数都嫌多 , 难得呢度开了间虾面专门店, 是日趁阿爸阿妈落街买嘢食,「搭单」托佢买了碗「虾虾面」试试.打开碗盖, 立即闻到好浓虾汤味, 不过汤底饮落有点太咸, 味道比湾仔𠮶间同类食店 (http://www.openrice.com/restaurant/commentdetail.htm?commentid=1908230) 差一截, 可幸 MSG 度唔高; 配料就有虾, 带子, 猪肉片, 鱼片及烚蛋, 最欣赏鱼片及的虾, 前者香口松化, 后者已去壳「斩头」食得方便, 虾肉亦结实爽口, 30 几蚊有咁嘅货色算不错; 面底就拣了油面, 不过煮得有点太软腍, 亦带少少去唔清的「油」味 , 早知食米粉啦.另仲有一小兜辣酱, 倒落汤内得, 就咁用嚟蘸嘢食亦得, 味道几辣, 又带点酸, 乜咁似印尼 sambal sauce?原来汤面仲跟一杯饮品, 阿爸就帮我叫了冻奶茶: 系港式, 劲多冰, 饮落几甜, 不过茶味够又无涩味, non-茶记嚟讲收货有余了.小试牛刀虽然未至于食到嘻嘻虾虾哗哈哈, 不过印象唔算差, 有机会再来堂食试