影片
更多
2009-02-15
28 浏览
没想到短短两日又来到新世纪广场，上次试过Appletree既食物很一般，所以今日望住商场指南都谂左好耐先决定试Le Fauchon Colours~ 来到门口，侍应冇招呼我地，连正眼都冇望过我地一眼，跟住就开始打电话…唔通我地透明？！ 等左几分钟先有另一个侍应问我地几多位，之后带我地入去一个鲜绿色做主调既地方~ 呢一边既餐厅楼底比较矮，加上今日有好多小朋友同屋企人黎食晏，所以呢一区好嘈吵，好大回音~ 我地问侍应可唔可以搬去餐厅既另一边，虽然唔算好乐意，不过最后都帮我地搬~睇紧餐牌既时候，有一篮微暖法式长包，烤得脆但系干~ 好多款午餐拣，乜都有得食，所以唔知佢想卖咩菜，最后我地四个人拣左一个二人午市套餐，包括两客餐汤，一份自助沙律，两份三选一的主菜和特饮，主菜我们点左海鲜墨汁面意粉和黑松露牛肉薄饼~ 另外仲要左一客汁煮牛肋骨拼薯蓉的午餐，和饺子鸡翼拼煎龙利柳石头饭午餐~ 最后爸爸见白酒煮青口既相片不错，所以决定试一试~我一向都对自助沙律吧冇信心，因为D野放左几耐又唔知，个个客人都掂过撩过D食物，有D人钟意一路讲野一路拎野食，唔知会唔会喷左D口水落去…所以我觉得好唔卫生~ 我冇食，不过爸爸
睇紧餐牌既时候，有一篮微暖法式长包，烤得脆但系干~ 好多款午餐拣，乜都有得食，所以唔知佢想卖咩菜，最后我地四个人拣左一个二人午市套餐，包括两客餐汤，一份自助沙律，两份三选一的主菜和特饮，主菜我们点左海鲜墨汁面意粉和黑松露牛肉薄饼~ 另外仲要左一客汁煮牛肋骨拼薯蓉的午餐，和饺子鸡翼拼煎龙利柳石头饭午餐~ 最后爸爸见白酒煮青口既相片不错，所以决定试一试~
我一向都对自助沙律吧冇信心，因为D野放左几耐又唔知，个个客人都掂过撩过D食物，有D人钟意一路讲野一路拎野食，唔知会唔会喷左D口水落去…所以我觉得好唔卫生~ 我冇食，不过爸爸妈妈同细佬话有一只士多啤梨味既沙律酱几得意，同埋薯仔沙律几好~ 餐汤亦都好快送到，两客甘旬忌廉汤都冇乜味道可言，两客蕃茄什菜汤甜得呛喉，我饮左两啖就放弃左~
之后散叫既白酒煮青口亦同相片好大出入，最少细一倍~ 青口煮得几好，每一只都胀卜卜又煮得唔老，不过冇白酒味亦冇鲜味…只有好多西芹碎~ 虽然只系索价$68，但系都比我想像中难食…~
首先海鲜墨汁面意粉最快到，原来系有D墨汁面捞D意粉，唔热~ 所谓既海鲜亦都少得可怜，一只蚬，一只青口，一粒八爪鱼，连虾都冇只！成碟pasta都冇味…唯一可取系粉煮得有咬口唔过腍~
牛肋骨拼薯蓉 - 薯蓉系粉开出黎既，不值一提~ 牛肋骨炆得腍不过唔入味，酱汁极甜… 配菜亦系预期中冷冰冰既~ 食左一半已经唔想再食~
饺子鸡翼拼煎龙利柳石头饭 - 九唔搭八既饭，既然系韩国石头饭，点解无啦啦又鸡翼又饺子呢？个饭大得惊人，两只鸡翼既汁都几好味，龙利亦都煎得好香脆不过好劲雪味~ 饺子皮好厚，同饭完全唔夹~ 饭冇汁，所以食左一半就净返白饭，唔合格~
最后有黑松露牛肉薄饼 - 幸好薄饼极薄，如果唔系就真系浪费好多食物…边有松露？全部都系磨菇…加埋d炒过既牛肉，一D都唔夹…不过算系最放得入口架喇~
餐饮 - 巨峰提子乳酪特饮，吹波胶味…荔枝玉茶同苹果绿茶都好苦… 早知叫返普通柠茶柠水啦>.<
埋单 $380
好难食既一餐，早知呢度既水准咁劣，我宁愿上楼上食返中规中矩既Appletree~
走既时候见到有好多人等位…
咁难食都有人食？
张贴
