影片
更多
2014-07-03
2021 浏览
丸亀呢间乌冬以半自助方式去经营，佢最大特色就系自己决定加唔加配菜，而配菜就系以天妇罗系列主打，天妇罗既食物一向以香、脆、鲜为主，最忌就系碰到水同汤，所以丸亀都好有技巧提供碟仔盛配菜。系九龙尖沙咀区，要揾一间坐得舒服，而价钱合理既餐厅唔会太难，但难就难在连食物都要特色而且好味，好味既程度系要令你有再想翻食既感觉。今天去到丸亀叫左一个最普通既酱油乌冬加大，然后再夹左半条竹轮、一件炸鸡、同埋天妇罗鱿鱼。咁样就已经75蚊啰，出面一般茶餐厅可能会平十蚊，但系舒适程度就明显不及。丸亀入口似饭堂，自己啰住个盘去点菜，好处系即时睇到佢地煮乌冬，包新鲜，不过可能系员工成日畀人望住，压力太大，我当日见到煮乌冬既职员对住我在内既三个客人都有少少手忙脚乱，仲差D打烂野，似乎佢地需要多少少培训先得。原本一条龙式既点餐最易塞车就系选天妇罗既位置，因为天妇罗配菜唔系每样都煮定一堆出黎，所以如果想食某款而出面又无，要叫职员整畀你既话就好易搞到后面大塞车，而虽然佢地出既天妇罗有灯照住Keep温度，但实情都唔系帮到几多，油炸野本身快热快冻，冻左就会出油，所以选择时小心睇就知边D系炸左好耐。我系个乌冬上面加上大量既七味粉同
系九龙尖沙咀区，要揾一间坐得舒服，而价钱合理既餐厅唔会太难，但难就难在连食物都要特色而且好味，好味既程度系要令你有再想翻食既感觉。
今天去到丸亀叫左一个最普通既酱油乌冬加大，然后再夹左半条竹轮、一件炸鸡、同埋天妇罗鱿鱼。咁样就已经75蚊啰，出面一般茶餐厅可能会平十蚊，但系舒适程度就明显不及。丸亀入口似饭堂，自己啰住个盘去点菜，好处系即时睇到佢地煮乌冬，包新鲜，不过可能系员工成日畀人望住，压力太大，我当日见到煮乌冬既职员对住我在内既三个客人都有少少手忙脚乱，仲差D打烂野，似乎佢地需要多少少培训先得。
原本一条龙式既点餐最易塞车就系选天妇罗既位置，因为天妇罗配菜唔系每样都煮定一堆出黎，所以如果想食某款而出面又无，要叫职员整畀你既话就好易搞到后面大塞车，而虽然佢地出既天妇罗有灯照住Keep温度，但实情都唔系帮到几多，油炸野本身快热快冻，冻左就会出油，所以选择时小心睇就知边D系炸左好耐。
我系个乌冬上面加上大量既七味粉同埋少量鲣鱼汁增加鲜味，而亦系三款配菜上加上天妇罗汁。
食左一口乌冬，发觉佢地既乌冬煮得弹性爽口韧度都洽到好处，即使系出面价钱去到几十蚊一包既急冻新鲜乌冬都未必有咁既口感，新鲜手造即煮确实零舍唔同。
个汤虽然加左好多配味粉，但饮落口仍然饮到本身酱油既浓郁鲜味，不过饮多几啖都会觉得口干干地，但系个热汤同乌冬始终系最佳配搭，每口乌冬都混和酱油鲜香，系舌头同牙齿之间不断来回咬碎，烟韧性同鲜甜味刺激晒成个口既感觉。
竹轮天妇罗仲系热热地，但系食落唔系太有味，可能本身竹轮就唔系太有味果种食物。
胡麻炸鸡虽然凉左，不过食落几好食，外层炸皮仲系脆脆地，里面既鸡肉就好滑，鸡柳肉每啖都有汁出，真系有少少出乎意料得。
海苔鱿鱼天妇罗就唔系太有惊喜，凉左而仲脆已经合格有余，味道方面都少鱿鱼味，烟烟韧韧几好食。
丸亀既价钱同质素绝对合理，而环境又比较静，又可以坐得耐，唔系出面茶餐厅咁赶，如果有个地方可以边食边倾边休息，呢度绝对系一个好选择。
题外话/补充资料：
丸亀堂食完要自己将盘同碗啰去返却口畀人清理，但事实系有部份人就咁走左去，而且有D「唔系香港人既华人」好无礼貌咁系点餐位打尖同大呼小叫，非常失礼，希望众食家慎戒之。
(以上食记乃用户个人意见 , 并不代表OpenRice之观点。)
张贴
