火山燒 (已結業)

响铜锣湾呢度朋友介绍话有一间可以食串烧，又可以火锅嘅日式放题，价钱都系二百多，点可以错过？首先刺身有唔少嘅选择，颇新鲜！最开心有带子！唔系度度任食都有！带子裙边沙津也不错！肉类嘅串烧食物都好多，猪牛鸡羊都有好多选择！烧炉旁边仲有唔同嘅酱汁用来烧肉，有辣汁，蜜糖同日式酱汁！个人最喜欢呢度嘅鸡翼！牛仔肉都唔错，好香香草味！最特别系呢度有烧玉子同蒜蓉包，好香脆好吃！烧菠萝十分之香甜又多汁，我encore左几次！金菇肥牛卷都好特别，记得要加日式酱汁来烧！烧蚝一般，不太特别，但好大只！反而旁边嘅烧带子几鲜甜！呢一个糯米鸡卷必点！第一次食！外脆又香，入面肉都甜！好特别！推介！其实识完烧物已经好饱，贪得意要买个日式昆布汤边炉，味道都好，主要以丸类同菜类为主。呢一餐大家都饮饱食醉！真系抵！