好叉好味 (禧利街)

营业中

休息中

成日行过都见有人排队，其实佢舖面唔大，主要做外卖为主。喺OpenRice发现外卖自取有八五折，一于试吓啦 💃🏻叫得做好叉好味，成个餐牌都以叉烧为主。而叉烧分咗唔同口味，包括辛辣、柚香、烧蜜同埋烤蜜。至于饭可以拣白饭、菜饭同埋沙律。佢哋系用外卖杯做饭盒，叉烧饭分为五层，最底层系菜饭，然后叉烧，菜饭，叉烧，而最上就系荷包蛋。另外纸杯上面嘅猪logo十分吸睛，比起普通茶餐厅用嘅发泡胶饭盒吸引好多。讲返我个柚香叉烧菜饭。荷包蛋煎到㶶边，半肥瘦叉烧切到一口size，烧得啱啱好，而酸酸甜甜嘅柚子汁中和左肥腻嘅感觉。正呀！而且叉烧份量非常之多，一定够饱。如果想食叉烧饭，我知去边揾啦。