小叻沙 (已結業)

星期日是家庭日，个女点肯放过我，一早拉我出去行街食嘢，佢话想食星马菜，俾我哋揾到呢间小叻沙，见环境都几企理，人几多，价钱几十蚊又合理，所以决定试吓。个囡真识拣，$39的叻沙唔拣，系要食 $108 10吋半长大老虎虾叻沙，一点都唔锡住妈咪荷包，冇办法啦，对妈妈来说个女大个天！大虾又煎得几香，而且很新鲜，物有所值冇所谓，但我唔习惯其他配料只有半只烚蛋及三件豆卜，可能一向食开海鲜喇沙，好似若有所失。我唔记得点算，在冇要求下，自动俾咗米线面条鸳鸯配真系好，食嘢梗系贪心些食多几款合意。我就食肉骨茶，跟油炸鬼辣椒酱及白饭，配备齐全零舍引人食欲，汤肉都唔错，$62 抵食。加$20有两枝沙嗲，本来要$15枝，精明师奶冇泄底要两份。呢间食晏适合，离公司都唔太远，等我介绍俾同事。