六本木日本料理

营业中

休息中

六本木日本料理系深水埗既一间居酒屋，空间感几大几舒服，呢度既午市定食种类都几多，有唔同既烧物、刺身寿司等等。每款定食都跟饭、茶碗蒸、渍物同埋面豉汤，好丰富～茶碗蒸好足料😍蛋好嫩滑，入面仲有鸡肉、蟹柳等等既配料。另外面豉汤都好好味，入面有啲豆腐粒、洋葱丝、海带，绝对高质  1⃣️刺身定食（$148）呢个刺身定食劲高质！首先一黎到个干冰效果已经够晒靓🤩刺身种类够多而且每一款都好有质素好新鲜。有三文鱼、吞拿鱼、油甘鱼、鲷鱼、带子，仲有好少见会有既烧鲣鱼🥰每一样都几大件厚切有口感～最钟意既系带子！带子系有少少柠檬既味道，食落多一分清爽感！好正～  2⃣️明太子玉子烧（$88） 呢个都系好正🤤成个铁板上，上到枱既时候仲有滋滋声。切开系满满既明太子！玉子烧卷得好厚，蛋味香甜滑嫩，绝对值得一试😋