泰‧雅

营业中

休息中

本身睇咁多好评谂住落雨湿湿试吓food court 呢间好多好评嘅泰雅，点知一试真系毕生难忘。首先讲叫咗咩，青咖哩猪颈肉饭。公道啲讲句味道唔算差，重耶奶味咖哩辣味算适中，但个汁出现油水分离情况，捞饭之后有啲汤饭感觉。讲开饭，系最伏嘅地方，你会feel到粒米系处于刚刚熟嘅果种程度；你每食一啖饭最少要𡁻30次，我最后食唔晒啲饭。轮到猪颈肉，呢个价钱无话要食好靓嘅猪颈肉但咬落坚韧再黏牙，𡁻嘅程度同每啖饭都一样即系话佢设计到啱啱𡁻最少30啖系俾你容易啲handle 个饭同猪颈肉同一时间吞落喉咙嘅时间，除咗赞佢贴心都唔知可以讲咩。结论：落雨都会揾第二啲野食。