庭軒一敍

营业中

休息中

听闻呢度啲蛋包饭好食，特登黎到一试。原来间舖超细，长方形状，只有十几个位。黎到有吉枱，但未执，侍应叫企门口等佢执左先，唔比我地行入去住。点知跟住有熟客到，二话不说自己就走左入去坐，我地鼓噪，侍应好唔客气话就有枱走，唔想等就算数…横掂都黎到，食下啦，最后撘左张大枱，迫到脚都无位摆。叫左两份午餐，三十几蚊，包一杯热饮。惹味沙茶牛肉汤乌冬，汤底的确有沙茶酱味，但偏淡，望落好大碗，但原来系汤多粉少，食完唔饱。芝士火腿蟹柳粟米蛋包饭，饭用左以上食材切粉炒过，再用蛋包成正方形，味道几好，但茄汁十分甜，甜到有啲怪，我估呢样好啱小朋友食。份量大概有一碗饭左右，又系唔饱。热柠宾，特饮加三，香柠味，ok。热柠茶，同样好香柠味，但茶略淡。态度差，又迫，食物一般，暂时应该无下次。