點點心點心專門店 (已搬遷) 新店位置

晨七咁早就俾妈咪叫左起身，话要同我一齐去饮早茶。妈咪都系听人讲呢间唔错先话要嚟。不过去食完之后我都觉得几好食啵 虾饺有四只，虾饺皮好薄好晶莹剔透，可以见到入面噶鲜虾，咬一啖见到入面几乎全部系虾，起码有三四只系入面，真系好正吖！啖啖食落口都有鲜虾包围著你噶感觉真系好！ 猪仔包，个卖相十分得意，令人一见到佢就会爱上佢。而且入面系流沙馅，咬一啖包啲馅就会流落黎，好似啲蛋浆咁，金黄金黄色，好靓 每个包噶馅都会俾好多，而且外层噶包新鲜软熟，热辣辣咁 蟹子烧麦，啲蟹子俾超多，而且好大粒，真系好衬翻果几粒烧卖，一样咁大肉质鲜美，食落去唔会好多肥肉