eyescream and CHURROS (已結業)

又话开12点，1点半去到竟然话未整好仲要等多1个钟！咁就唯有同朋友系附近行下先再返嚟。返到嚟店员话准备好咁我哋就拣味俾钱啦。但佢个牌写d嘢唔清唔楚，又冇写咩味churros同雪糕加几钱，落单先同你讲要加$8，一时又话冇呢只味，朋友想食芝士味churros 又话冇。最后叫咗士多啤梨churros+牛奶雪糕同朱古力榛子churros+雪糕。谂住俾完钱就有得食，点知又系要等多10分钟。虽然冇其他客，但得一个店员系到整，又慢，真系等到有d燥。唔紧要，只要好食，我愿意等。但一食落口已经觉得好失望！先讲个雪糕又细杯又唔香奶味又唔滑，口感似棉棉冰多d。跟住到churros，其实见佢炸果阵已经见到有d㶶，系啡色而唔系金黄色，虽然仲脆但入口好油。加上个士多啤梨酱味又唔系好突出，而且，原来佢d酱只会搽一面，仲要搽得唔均匀！真系俾d相呃哂！真系食到我好嬲！40几蚊咁嘅质素，呢个价钱讲真食到好多其他高质素嘅小食或雪糕。