紅茶 (已結業)

中午经过呢间红茶，见到好多人食紧咪谂住试下，点知中左伏。叫左一个招牌泰式海南鸡饭，鸡肉唔算好硬，不过冇乜味，通常呢类似呢啲海南鸡饭，个汁先系精粹所在，但呢间个汁唔好食。另外叫左个杨枝甘露，本身以为系一碗碗嘅糖水，点知原来系蛋糕，老实讲卖相唔算差，人地画只兔仔装饰都唔容易麻，个蛋糕食落一般啦，虽然有芒果味同粒粒柚子肉，食得多感觉好腻，好甜，下面啲棉花糖有啲干硬。我觉得呢间餐厅嘅价钱又唔系特别平，可能地理位置好所以多人，不过我唔会再黎lu。