蘭芳園 (已結業)

赶时间又想食个早餐，向信德中心唔知食乜好就求其入咗去兰芳园度食喇。其实都知系游客野，预咗会贵少少。讲真，都贵出面一大截我都算啦，当试下啰。贵唔系问题，唔好食兼份量细先系问题。我地两个人去食既，我叫茄火腿通。拿咁系真系有茄既，但个汤唔见得特别出色，通粉少，又淋，真心唔知浸咗几耐。个多士系松化既，但呢样野其实佢唔洗点准备都得啦。朋友既炸鱼柳先精彩啊，细块到我地都打个突，睇下张相就知，同支餐叉个面一样长咋！真心一只手拍都长得过。你成本高既我宁愿系加价啦，四十蚊食一啖，你当个个都小鸟胃？系，装修系好旧香港好有特色啊，一定吸引到旅客。但人地唔系净系食环境架嘛。比啲低质野比游客食，影衰哂香港既特色早餐。