影片
更多
2019-03-27
2316 浏览
今日来到太子，原本想吃饺子的，但是太多人，因为赶时间，于是放弃，行下附近仲有乜好食，见到呢间烧腊饭店有我偶像＂周润发＂到此一吃的照片，谂住应该唔差挂⋯⋯ 点知入到去坐低都冇人招呼，之后要叫：阿姐唔该唔该。先至有人问我食乜，因为我阻住佢同其他人吹水，所以佢好似有啲嬲嬲哋⋯⋯ 我叫咗碟烧肉叉烧饭，啲饭到咗之后，发现啲叉烧干到好似柴咁，啲烧肉全部都系肥肉，而烧肉皮系咬唔开嘅，啲饭都系不热的，豉油都只系得几滴咁，咁样可能健康啲，唔系糊仔饭已经多谢晒啦，跟住我想要碟芥辣，跟住佢就咁比一包芥辣我，碟仔都唔比只我，我想要只碟仔但系佢冇理我，我唯有就咁搣开包芥辣淋落去啲烧肉度！呢碟烧味饭要$60真系完全唔合格，品质仲差过一啲连锁快餐店，但系人哋价钱俾佢平仲有嘢饮㖞！跟住我隔离有啲人似乎系熟客，一来到坐低饭都未叫，即刻有杯茶同埋有一只碟仔俾佢，我先至发觉除咗碟仔之外，我茶都冇一杯招呼，而佢𠮶碟烧肉饭似乎系正正常常都几好㖞，跟住我发现原来周围大部份都系熟客，睇嚟呢间野只系做熟客生意已经足够，我呢啲生客似乎唔系好在乎，算啦！我都唔会再嚟帮衬㗎啦！唔知＂周润发＂系唔系熟客呢？
张贴