佳文魚生店

营业中

休息中

我几年前去过一次，已经觉得又贵又唔好食服务又唔好。今次谂住俾多次机会佢啦，点知仲换来一肚气。我哋两个人叫咗四碟鱼生，池鱼、象拔蚌同赤贝只系一般，但𠮶碟400蚊嘅拖罗就差到不得了。d拖罗根本未解冻，咬落去有冰，又不停出血水，同有一大笪瘀色。我攞住碟只系食咗两件仲有四件同成碟血水嘅冰拖罗同佳文个师傅讲d拖罗有冰同出血水，佢话佢专登俾旧冻d嘅我(咁都得？新鲜嘅鱼生系唔驶雪到咁冻个㖞？!)。我话d鱼生唔得，问佢有冇得换。个师傅好唔志在咁话佢d拖罗旧旧都系咁冻，而且货都唔够卖。咁算啦，我哋本来谂住食多几碟，但系d嘢又贵又难食服务又奇差，我哋即刻止蚀离场俾钱走人。我以后都唔会嚟，亦会叫我d朋友唔好嚟。