伽倻韓國餐廳

今晚想同阿女喺铜锣湾食饭，所以下午4:30已打去订枱。点知准时去到，喺门口收银机旁企咗10分钟都冇人招呼。后来叫咗个侍应埋嚟，发现冇我嘅Booking。再等多五分钟，有个好似高级少少肥肥地嘅女士，话要先执枱。佢执咗一张枱及摆咗二人位，但系又唔俾我哋坐，佢继续执门口附近嘅令一张枱，执完之后就叫我哋坐。咁我就问点解唔可以坐入边啲果一张枱，佢就咦咦哦哦，𠮶张枱可能有三个人嚟。咁佢就恐吓我咁讲，如果你唔坐呢张，我就带你入去要搭枱㗎喇！我觉得呢种服务态度，认真唔要得。虽然佢哋忙，都唔可以咁样招呼客人挂。主要叫咗三样嘢肉，牛肋骨，猪颈肉，牛筋腩煲，新鲜kimchi, 两碗饭，加一个可乐。埋单约$940。我觉得佢哋啲价钱越嚟越贵，都食到一肚气！啲猪颈肉完全冇味，质地又唔爽滑。每一样都要追佢先至嚟。Fresh kimchi都系我哋将近食完先至到。虽然帮衬左呢间食店十几20年，我谂都要揾一间新嘅取替了。非常失望。