Gull's Kitchen (已結業)

同朋友去开荃湾，有人话要食中东野，误打误撞就入咗呢间故事Gulls kitchen。黎到中东餐厅，当然要食啲特色嘅嘢啦，我哋一行四人都叫咗唔小嘢食：千岛海鲜薄饼、芝士薄饼、咖哩海鲜、鸡肉kebab、鱼肉炒饭、garlic Nann...《千岛海鲜薄饼》Pizza系无预计过甘大件，好抵食！皮薄，火候岩岩好，饼底好脆。饼面足料，好多芝士，好香浓。整体黎讲，质素唔错，而且价钱平坊间平很多。《咖啡海鲜拼薯条》咖哩汁唔算好浓好杰，几香香料味。海鲜都好足料，食极都有。只系制作方面可能差少少，去唔清雪味。《鸡肉kebab》鸡肉kebab都系好大件，一开二够两个人食。饼皮入面系满满既鸡肉同生菜，可以鸡汁唔够滑，扣左少少分。《鱼肉炒香饭》呢个都几令人眼前一亮。鱼肉预先炸过，保留到肉汁。饭系特式既印度长香米，而唔系我地食开既白米。炒饭好有口感，好特别，配埋佢地既香料，好似真系食到当地既味道甘。整体黎讲，食物唔算非常出色，但都不过不失，有好食既，都有要改善既。但店主态度诚恳，招呼周到，价钱亦都非常相宜，一人几十蚊就饱到上心口。闲时想转下口味，都不失为一个好选择。