影片
更多
2012-03-22
8 浏览
12月30日, 大除夕嘅前夕, 加上附近维园又有工展会, 所以晚上嘅天后甜品舖头真系唔愁冇生意~ 喺间间甜品舖都迫爆嘅情况下, 我地嚟咗试呢间平时唔会考虑所以未食过嘅天后甜品~ 舖入面只有好少位, d多人到坐晒系摆街嘅枱, 我地竟然等到坐室内, 佢地俾咗一个好窄嘅2人单边对正厨房位, 实在有点迫…::: 黑朱古力雪花冰 ::: $35雪花冰其实都系用机整出嚟, 所以都好难唔好食. 份量其实都够, 但系到最后都只系食到冰, 一入口就溶咗. 黑朱古力味道都几浓, 都名副其实系黑朱古力. 底下有香蕉, 但系就唔算好新鲜. ::: 榴梿椰果冰 ::: $40佢个榴梿冰份量其实都唔少, 除咗滑溜嘅榴梿沙冰之外仲有新鲜嘅榴梿肉~ 未入口已经闻到好大阵味! 食落味道都几浓郁, 不过就好似甜咗d… 可能落得太多糖. 椰果同榴梿基本上唔系太夹, 可有可无. 最不满系明明话晒都堂食但佢都比个外卖塑胶兜比我, 一来唔环保二来感觉都求其d... 其实呢d甜品都已经唔系好考功夫, 只求生果新鲜, 加埋店舖环境同服务质素去定高低. 但系呢间就可以话系附近咁多间之中比较差, 座位迫陜已经唔在讲, 连服务都冇… 同人
::: 黑朱古力雪花冰 ::: $35
雪花冰其实都系用机整出嚟, 所以都好难唔好食. 份量其实都够, 但系到最后都只系食到冰, 一入口就溶咗. 黑朱古力味道都几浓, 都名副其实系黑朱古力. 底下有香蕉, 但系就唔算好新鲜.
::: 榴梿椰果冰 ::: $40
佢个榴梿冰份量其实都唔少, 除咗滑溜嘅榴梿沙冰之外仲有新鲜嘅榴梿肉~ 未入口已经闻到好大阵味! 食落味道都几浓郁, 不过就好似甜咗d… 可能落得太多糖. 椰果同榴梿基本上唔系太夹, 可有可无. 最不满系明明话晒都堂食但佢都比个外卖塑胶兜比我, 一来唔环保二来感觉都求其d...
其实呢d甜品都已经唔系好考功夫, 只求生果新鲜, 加埋店舖环境同服务质素去定高低. 但系呢间就可以话系附近咁多间之中比较差, 座位迫陜已经唔在讲, 连服务都冇… 同人落单, 佢唔会应你, 所以唔系好知道究竟落咗未. 跟住要埋咗单先再等20分钟先有得食, 摆明冇得走, 眼见好多客人都等到劲燥底! 因为坐得唔舒服, 我地食完都系急急脚走人… 下次都系去番甜姨姨或者晶晶好d.
张贴
