鼎豐雞煲泰國菜 (已結業)

最近天气凉番，所以最岩去食鸡煲，不过呢到特别在系有埋泰国菜! 鸡煲有分半只/全只，有招牌麻辣，仲有泰式风味，今次就食到半只招牌麻辣鸡煲，份量都几多，鸡件全部都好滑，其实上台个阵都接近熟晒，可以好快食得，店员会帮你兜下佢，再炒埋，我地叫左BB辣，不过炒个阵都闻到好攻鼻，好香! 原来而家叫鸡煲，仲会送细肥牛! 另外我地都叫左D泰菜，肉碎炒饭好香，捞埋蛋汁食更好味!仲要好大碟下! 串烧拼盘可以自选鸡/牛/猪，我地就想每样都食下，所以叫左各2串，个沙嗲酱好浓花生味。马拉盏炒通菜比想像中大碟好多，炒得好惹味。泰式奶茶都好好饮，几正宗，好大杯！