影片
更多
2017-06-04
81 浏览
又黎重口味之夜聚会，今次揾左呢间开左无几耐既烤鱼店，齐齐食下川味辣鱼过口瘾，最正系入黎之后先发现原来除左烤鱼之外，呢度仲有鸡煲食，呾就一次过满足两个愿望，食鱼又食鸡，一行四人全部表示非常满意，够哂浓味！入黎都唔算好多人，环境无咩特别装修，都系一般小店咁简单整齐。因为一阵要食辣，所以好快手点左两壶饮品，店员话系自家制，同出边饮个D唔一样架。一壶酸梅汤，入口唔系太甜，酸味比较突出，食辣个时都几解辣，仲有李干苹果茶，惊喜在入口真系食到苹果蓉，估唔到咁真材实料，店员真系无呃我地。之后就一碟夫妻肺片，入口又爽又麻辣，加埋上面有少少花生碎，成件事好味左。食左隔离个白鳝，好弹牙好有鱼味，无咩点调味都好好食，条鱼本身应该都几新鲜。鸡煲先上，一上黎个下就已经闻到好香既味，滚左之后香料同酱汁味就更突出，但入口又唔会系死咸个种。鸡件比想像中多，好似食极都仲有咁，肉质好滑，连鸡胸位都完全唔鞋口，大家都一致觉得非常满意。今日的主角烤𫠐鱼，因为有朋友唔食得太辣，所以点左小辣，个人觉得中辣应该会更惹味。条鱼肉质结实，唔会有好多细骨，连我咁怕骨都可以食得津津有味，一条系够饱唔够喉。食完烤鱼同鸡煲都可以加汤打边炉，配料
入黎都唔算好多人，环境无咩特别装修，都系一般小店咁简单整齐。
因为一阵要食辣，所以好快手点左两壶饮品，店员话系自家制，同出边饮个D唔一样架。一壶酸梅汤，入口唔系太甜，酸味比较突出，食辣个时都几解辣，仲有李干苹果茶，惊喜在入口真系食到苹果蓉，估唔到咁真材实料，店员真系无呃我地。
之后就一碟夫妻肺片，入口又爽又麻辣，加埋上面有少少花生碎，成件事好味左。食左隔离个白鳝，好弹牙好有鱼味，无咩点调味都好好食，条鱼本身应该都几新鲜。
鸡煲先上，一上黎个下就已经闻到好香既味，滚左之后香料同酱汁味就更突出，但入口又唔会系死咸个种。鸡件比想像中多，好似食极都仲有咁，肉质好滑，连鸡胸位都完全唔鞋口，大家都一致觉得非常满意。
今日的主角烤𫠐鱼，因为有朋友唔食得太辣，所以点左小辣，个人觉得中辣应该会更惹味。条鱼肉质结实，唔会有好多细骨，连我咁怕骨都可以食得津津有味，一条系够饱唔够喉。
食完烤鱼同鸡煲都可以加汤打边炉，配料都系平时打边炉个D，食完保证饱到行唔郁。
张贴
