La Famille (已搬遷) 新店位置

每次经过La Famille 都会被那卖相精致既蛋糕吸引，今日同朋友行海港城，经过La Famille亦唔例外，再次深深被吸引住，于是决定同朋友坐低休息叹返个tea！La Famille 以高身玻璃罩住蛋糕闻名，店内雪柜放左好多款式同味道既蛋糕，每一个蛋糕都精心制作，卖相相当精致，见到咁多咁靓既蛋糕，实在难以选择，个个都好想要啊除了有蛋糕外，仲有手工饼干，卖相精致，送礼佳品！拣左好耐，最后我拣左荔枝玫瑰蛋糕 🍰配台湾有松渔池阿萨姆红茶 蛋糕卖相唔止靓，味道都好出色！蛋糕质感松软，一啖咬落去软绵绵咁，配埋忌廉入口相当幼滑，好味呀！至于味道方面蛋糕本身比较淡，唔会太甜，对于减紧肥既女士们就最岩喇，可以享受美味既蛋糕，又唔怕甜。蛋糕内带有淡淡既荔枝香味，蛋糕上既蓝梅及士多啤梨带点酸，可以中和腻感，配搭得十分好！　朋友拣左香印青提配春果花茶上面既香印青提子翠绿饱满，酸酸地又香又多汁，令整个蛋糕都好清新。相比起我既荔枝玫瑰，呢个蛋糕更加多北海道鲜忌廉， 口感更加之幼滑。至于茶方面，我地拣左阿萨姆红茶同埋春果花茶两款茶都无糖份，阿萨姆红茶茶味香浓，而春果花茶发出淡淡花香同果香，用黎配蛋糕真系唔错！