OWLS Coffee (已結業)

呢间咖啡店的Piccolo加牛角包早餐就帮衬得多，今日Lunch Time心思思想去饮咖啡于是又去帮衬。两个人点了三份野食，分别系云蛋多、牛油果多士同埋午餐肉牛角包，咖啡就拣咗Cold Brew，可以话系一餐又靓又好味的午餐。云蛋多其实就系打起的蛋白做到成旧云咁样，配以红菜头多士托底，颜色配搭令人开心到震，不过云蛋多建议快手影相跟手快D入口，否则D蛋白汁会整湿个底的多士令佢唔够脆。牛油果多士就用新鲜牛油果，牛油果够熟，所以本身就已经好好食，再加埋金薄，真系成个靓晒。午餐肉牛角包入口有好充实的感觉，不过又唔会太油腻，配埋拌碟沙律菜，减低了罪恶感。Cold Brew的冰底有薄荷叶，令到咖啡入口更fresh，咖啡味够香，值得一试。