影片
更多
2019-11-24
201 浏览
23/11/2019 @ La Famille其实只系咁岩经过， 见好多人围住呢间蛋糕店，谂住有乜著数就走去一齐趁下热闹~望下先知原来啲人系买蛋糕， 蛋糕睇落有好多款，全部都好靓！！细细个二个人食就至岩喇！望下个价钱一啲都唔贵，五六十蚊已经有一个， 于是我都买返个同男朋友一齐试下我最后拣咗呢个青森苹果吉士红茶蛋糕， 青森苹果不嬲都系我嘅至爱，而且呢个味平时好少见，觉得比较特别！切开入面有好多吉士酱同苹果蓉流出嚟， 但又唔会太甜，同红茶蛋糕一齐食甜味同茶味配搭得刚刚好！ 蛋糕的红茶味非常香浓 而且戚风蛋糕食落非常松软，唔会觉得好滞好饱另外我仲忍唔住买咗两个啫喱试下， 因为实在太靓喇红桑莓荔枝巴伐利亚， 红桑莓味酸酸甜甜非常开胃，荔枝啫喱非常香茘枝味！ 好似食紧荔期一样！ 而且啫喱入面啲花都食得非常特别！ 个人非常钟意呢个巴伐利亚的味道！香印青提巴伐利亚， 顾名思义系香印青提子味， 平时食青提子味唔会觉得好突出， 但呢个巴伐利亚的青提子味就非常之清，非常之突出！ 好似饮紧果汁一样！总结果然人多就会有好嘢呢间蛋糕店 ，蛋糕甜品都唔贵，而且味道有惊喜！ 两个人食有二人份量的蛋糕，多人食都有大个
其实只系咁岩经过， 见好多人围住呢间蛋糕店，谂住有乜著数就走去一齐趁下热闹~
望下先知原来啲人系买蛋糕， 蛋糕睇落有好多款，全部都好靓！！细细个二个人食就至岩喇！望下个价钱一啲都唔贵，五六十蚊已经有一个， 于是我都买返个同男朋友一齐试下
我最后拣咗呢个青森苹果吉士红茶蛋糕， 青森苹果不嬲都系我嘅至爱，而且呢个味平时好少见，觉得比较特别！
切开入面有好多吉士酱同苹果蓉流出嚟， 但又唔会太甜，同红茶蛋糕一齐食甜味同茶味配搭得刚刚好！ 蛋糕的红茶味非常香浓 而且戚风蛋糕食落非常松软，唔会觉得好滞好饱
另外我仲忍唔住买咗两个啫喱试下， 因为实在太靓喇
红桑莓荔枝巴伐利亚， 红桑莓味酸酸甜甜非常开胃，荔枝啫喱非常香茘枝味！ 好似食紧荔期一样！ 而且啫喱入面啲花都食得非常特别！ 个人非常钟意呢个巴伐利亚的味道！
香印青提巴伐利亚， 顾名思义系香印青提子味， 平时食青提子味唔会觉得好突出， 但呢个巴伐利亚的青提子味就非常之清，非常之突出！ 好似饮紧果汁一样！
总结果然人多就会有好嘢呢间蛋糕店 ，蛋糕甜品都唔贵，而且味道有惊喜！ 两个人食有二人份量的蛋糕，多人食都有大个的蛋糕选择， 绝对系再翻兜之选！
张贴
