八月堂 (已結業)

开咗一段时间，终于有机会嚟试，初初开做紧买五送一，可以悭少少啦。去到要排队，等十个人左右，够哂时间拣定口味。铺头用玻璃柜放面包，只有店员可以夹，唔俾自己拣，避免破坏卖相。每个包睇落都卖相满分，真系好难拣。首先有例牌海盐焦糖，要平衡甜同咸味唔系咁容易，佢做得恰到好处。然后有朱古力味，有质素但比较甜。香葱味噌做牛角包几神奇，食落几夹，不过好油腻。雪花柠檬最好味，香甜得嚟唔会过份，面头仲有脆糖，满足口感。明太子系独特啲嘅口味，钟意嘅话会觉得几好食。香浓起司就重口味啲，增肥适用。总括嚟讲都几好味，稍为可惜系冇地方即食。