影片
更多
2024-11-05
280 浏览
今日同个朋友聚旧，问佢想食乜，佢话当然要食得又靓又健康，search咗成晚决定去湾仔谢斐道呢间cafe试下。 今日著到成个凯特皇妃咁靓嘅朋友，去到cafe门口已经不停打卡，行到入店更加不得了，足足影咗十五分钟先肯坐低叫嘢食 。连早餐都未食嘅我哋想要一份all day breakfast，全日早餐原来都有两款，传统款都系肠仔烟肉茄汁豆𠮶啲，我哋咁靓又健康梗系试下有营全日早餐，除咗有沙律菜，炒蛋，蕃茄，牛油果，多士之外，仲有少少士多啤梨，蓝莓，同一杯鲜果乳酪，真系健康美味之选。 另一个煮食我哋叫咗香煎明太子带子扁意粉，呢个pasta份量一啲都唔细，我本来以为系用现成明太子酱捞出嚟嘅意粉，出面好多餐厅都系咁做，但原来系有一啲真嘅明太子，应该系轻轻煎过，加埋带子同一啲菇菌类，整个配搭好令人满足。 呢度嘅饮品都系打卡焦点，朋友叫咗杯士多啤梨奶油抹茶，我就想试下动物派对盲盒紫薯拿铁，冇指定要咩动物之下店员会随机安排，我得到嘅系一只唔知系兔仔还是狐狸定啤啤熊嘅小动物棉花糖，好惊佢溶，但最后证实系唔会，最后都唔舍得将佢食落肚。甜品系开心果抹茶芝士蛋糕，呢个cake我觉得系必点，开心果香味嘅cheese
连早餐都未食嘅我哋想要一份all day breakfast，全日早餐原来都有两款，传统款都系肠仔烟肉茄汁豆𠮶啲，我哋咁靓又健康梗系试下有营全日早餐，除咗有沙律菜，炒蛋，蕃茄，牛油果，多士之外，仲有少少士多啤梨，蓝莓，同一杯鲜果乳酪，真系健康美味之选。 另一个煮食我哋叫咗香煎明太子带子扁意粉，呢个pasta份量一啲都唔细，我本来以为系用现成明太子酱捞出嚟嘅意粉，出面好多餐厅都系咁做，但原来系有一啲真嘅明太子，应该系轻轻煎过，加埋带子同一啲菇菌类，整个配搭好令人满足。
呢度嘅饮品都系打卡焦点，朋友叫咗杯士多啤梨奶油抹茶，我就想试下动物派对盲盒紫薯拿铁，冇指定要咩动物之下店员会随机安排，我得到嘅系一只唔知系兔仔还是狐狸定啤啤熊嘅小动物棉花糖，好惊佢溶，但最后证实系唔会，最后都唔舍得将佢食落肚。
甜品系开心果抹茶芝士蛋糕，呢个cake我觉得系必点，开心果香味嘅cheese cake非常浓郁，上面仲有开心果碎，完全满足晒开心果控嘅愿望。 另外值得一赞系呢间cafe嘅靓仔靓女员工全部都好有礼貌，今餐食得好开心，下次再带朋友过嚟食好嘢+打卡。
张贴
