影片
更多
2024-10-20
338 浏览
見小朋友上左小學一排，每日都好忙，想比個小鼓勵佢。揀左Homeland同佢食餐好嘅，呢度嘅食物大人同細路仔都啱食，有兒童餐，fusion小食，pizza，意粉，牛扒，炸魚柳，燒春雞等等。另外我地都好鐘意嘅就係可以甜品碟上畫卡通同寫字。兒童餐都有三款主菜嘅選擇，小朋友就揀咗個吞拿魚蘑菇意粉。仲有包括炸薯餅，啫哩，生果，唐揚炸雞同果汁。好岩佢胃口，開心。至於我哋大人就揀咗個pizza套餐，有兩個餐湯，沙律同埋pizza。再加左客雞翼同意大利雲吞。餐湯分別揀咗蘑菇忌廉湯同龍蝦湯。龍蝦湯香味獨特，蘑菇湯亦非常creamy兩隻各有特色都好好飲。沙律係蘭王煙肉凱撒沙律，加左蘭王蛋黃食落更加香濃，同芝士味道非常之夾，份量又多，好食！轉頭加嘅小食雞翼就準備好揀咗蜜糖芥末味食落甜甜，微酸辣夠曬開胃，炸左嘅雞翼亦好香口。Pizza 揀左雞肉蘑菇口味，濃濃芝士，又有小朋友最愛嘅蘑菇，pizza 底鬆軟好味又有脆口嘅pizza邊，岩晒佢！意大利雲吞黑松露三文魚籽，呢個我最鐘意食，醬汁超級香同濃郁，口感creamy，意大利雲吞餡料十足又好味，份量又大，同醬汁超夾。最後唔少得重頭戲，甜品加上卡通畫碟。呢排跟得表哥
揀左Homeland同佢食餐好嘅，呢度嘅食物大人同細路仔都啱食，有兒童餐，fusion小食，pizza，意粉，牛扒，炸魚柳，燒春雞等等。另外我地都好鐘意嘅就係可以甜品碟上畫卡通同寫字。
兒童餐都有三款主菜嘅選擇，小朋友就揀咗個吞拿魚蘑菇意粉。仲有包括炸薯餅，啫哩，生果，唐揚炸雞同果汁。好岩佢胃口，開心。
至於我哋大人就揀咗個pizza套餐，有兩個餐湯，沙律同埋pizza。再加左客雞翼同意大利雲吞。
餐湯分別揀咗蘑菇忌廉湯同龍蝦湯。龍蝦湯香味獨特，蘑菇湯亦非常creamy兩隻各有特色都好好飲。
沙律係蘭王煙肉凱撒沙律，加左蘭王蛋黃食落更加香濃，同芝士味道非常之夾，份量又多，好食！
轉頭加嘅小食雞翼就準備好揀咗蜜糖芥末味食落甜甜，微酸辣夠曬開胃，炸左嘅雞翼亦好香口。
Pizza 揀左雞肉蘑菇口味，濃濃芝士，又有小朋友最愛嘅蘑菇，pizza 底鬆軟好味又有脆口嘅pizza邊，岩晒佢！
意大利雲吞黑松露三文魚籽，呢個我最鐘意食，醬汁超級香同濃郁，口感creamy，意大利雲吞餡料十足又好味，份量又大，同醬汁超夾。
最後唔少得重頭戲，甜品加上卡通畫碟。呢排跟得表哥多，鐘意比卡超，上碟時佢個心心眼，開心得佢！蛋糕同樣好味，朱古力唔會太甜但好夠香濃，加左脆脆朱古力粒粒，多重口感，好味道，唔係得個睇字。
估唔到呢到仲會有即影即有相，留個小紀念，希望佢繼續開開心心。
张贴
