開飯主義

营业中

休息中

🔺农场鸡扒萝宋浓汤通粉先讲吓个罗宋汤！个汤真系好好饮😋味道好浓，茄味好足，但又唔至于系好酸𠮶只，好易入口。个汤亦好足料，有蕃茄、西芹、椰菜、红萝卜、薯仔、瘦肉，每一啖汤都会连埋啲蔬菜一齐食到！我觉得，呢个汤系连啲唔系特别喜欢茄汤嘅朋友都会钟意，食到我舔舔脷😙😙😙个鸡排都有惊喜！肉质好嫩滑，大小亦适中。不过，因为我叫外卖嘅，个鸡扒浸咗喺个汤一阵，所以就唔知个皮脆唔脆啦。虽然，呢个早餐冇餐包或者鸡蛋肠仔𠮶啲配料，但我觉得佢嘅味道系值得呢个价钱($38)，跟餐嘅冻奶茶亦有一定水准，所以我一定会再嚟多次！