台北茶坊 (已結業)

睇匀个商场都好似冇乜特别吸引嘅餐厅, 而且开始人多, 系呢间叫做冇乜人, 可以冇咁嘈, 舒舒服服咁食个晚餐~其实佢选择都唔算多, 不过你唔系日日食, 点都求其选到最啱胃口的食物~ 秘制猪软骨台式面所谓秘制, 我觉得咁又系卤水汁, 净睇色水已经似, 仲要食落有花椒八角味, 咁仲唔系卤水? 不过佢又唔会话好浓好kok喉~个面又煮得几好食, 又够弹牙, 不过当然都系趁早食, 因为浸得耐, 始终都会变淋, 冇咁好食~猪软骨都算炆得唔错, 唔会话炆都烂哂冇口感, 啲肉就好林, 但啲软骨仲有咬口, 同埋好够入味~ 高雄豆豉酱汁排骨配肉燥饭虽然都知系蒸排骨饭, 但见未试过"高雄豆豉酱", 咁就试下啦~ 落单果阵已经事先声明要等十分钟, 因为系收到order先蒸, 所以要等, 唔紧要丫, 横掂唔赶时间, 由佢慢慢蒸~一路食住个面, 一路等, 都唔觉等咁耐, 好快就上枱, 新鲜热辣辣, 而且好香, 不过个酱就好鬼杰, 同埋偏甜, 但就好鬼大碟, 好多排骨, 虽然唔系新鲜肉, 但都唔太差~其实佢唔应该配肉燥饭, 佢个汁已经可以捞饭, 配白饭已经够, 如果唔系就太重口味~ 冻青苹果绿茶个色都几吓人, 够哂青