韓閣 (已結業)

钟意食韩国菜，但系下下一系辣，一系炸，老人家就好抗拒。韩阁完全系满足到两边嘅需要，黄大仙店晚市有小菜客饭套餐，我地平时食到嘅中式牛柳粒，酸辣汤等等都有！价钱劲合理，份量又大！个套餐客双我点左韩式客饭，珍珠饭配上紫菜、芝麻、鱼仔，咁样食又几惹味！最最最正系仲可以用优惠价加韩式小食，我就加晒海鲜饼同埋粉丝卷！饮品同甜品都劲多选择！我就叫左抹菜爆珠红豆同金汤匙（白桃红茶）。waiter 拎住个gas炉过黎时，我话我冇叫打边炉㖞！waiter话你叫个抹茶冰火铁板雪糕brownie帮你保温，上冻下暖双重享受！又真系几正！烧仙草都大大杯！装修都充满韩式打卡位，韩式传统海报区，彩色森林区，仲可以用$25/35分钟借埋韩服影相！又食又影起码可以玩半日呀！