千房 (已結業)

人气大阪烧 自己动手DIY烧出个人化和风口味大阪烧 有得食有得玩 【千房】‼️‼️一心净系想食个大阪烧，中意可以自己烧，吾同人吾同手势，可以随时打造出一个属于自己嘅大阪烧，真系好正！餐厅位于旺角新开嘅T.O.P商场，一出地铁站就到，所以好容易揾到佢。日式嘅装饰，座位阔又大，坐得舒服😌晚市都几多人架，都要等咗一阵先有位～豚玉烧其实可以选择师父烧或自己烧，呢个就选择咗DIY自己烧，餐厅好贴心咁有晒清楚嘅教学教你点烧架喇，所以其实都好容易😆豚玉薄切好快熟，烧耐少少会变脆，好香口！想个豚玉烧香口啲，可以每边都烧耐少少，咁就会惹味好多，烧完之后就可以自己随意落，大阪烧酱、沙律酱、海苔碎同鲣鱼碎都可以任你落，热辣辣咁即刻食真系好吸引好满足🤗.香葱鸡蛋大阪烧呢个就由师父烧，卖相系会靓好多齐整好多！爱葱者必试，因为超级多葱，劲香口😵😵时间控制得啱啱好，所以外脆内软，仲有好浓郁嘅蛋香味，正！芝士豚平烧系用蛋包住猪肉嘅一种日式料理，虽然介绍系写住半熟，但端上嘅时候，其实已经全熟😂加入咗半溶嘅芝士，有拉丝嘅效果，认真吸引！蛋好软林好滑，有种入口即溶嘅感觉，猪肉份量都够多。