川味雞烤魚大王 (隆亨商場) (已結業)

今次嚟到大围隆亨邨探朋友倾下下次出国旅程，经过商场后面近街市出面外围有新开不久嘅川菜餐厅，决定试吓新嘢。店内大部分食客都系食紧火锅/烤鱼，正啊！侍应们服务态度好好，好用心讲解餐牌，不时会问吓客人有无额外需要，有需要时会同帮我哋加汤。凉拌川辣味鱼皮($78)~麻辣嘅麻味好够，呢道菜喺香港比较少见，鱼皮爽滑弹牙，好挂汁同好入味，另外有有花生碎、青瓜丝、芫荽、生洋葱及芽菜等，呢个餐前小食好开胃。烤麻辣小半条鲩鱼 ($268)~配料包括芽菜、腐竹、白萝卜、酸菜、娃娃菜等，鱼皮烤到好脆，好香烧焦味，啲鱼几滑 ，好香鱼鲜味👍🏻 叫咗BB辣，有豆豉、花椒及剁椒，辣味啱啱好，唔会抢过条鱼本身嘅味道，不错！香浓黑松露饺 (6只$68)香浓黑松露味，猪肉啲馅腌得够入味，一啲都唔鞋口，饺子皮够薄，推介!呢度嘅饮品都唔算贵，我哋叫咗支装凉茶，见到隔离枱大大杯特饮好似系$26，下次都可以试下。