夏雪 (已結業)

我发觉卖窝夫嘅食店愈嚟愈多，开完一间又一间，又无话边间特别难食，要上位就要考下心思。坚尼地城嘅夏雪净系卖窝夫，四种味包括原味、朱古力、抹茶同紫薯，我拣咗紫薯窝夫。窝夫做到外脆内松，入面夹咗好香嘅紫薯，就咁食已经ok！窝夫旁边跟咗哈蜜瓜、蜂蜜、紫薯蓉、豆腐雪糕，同一包望落似安全套嘅焦糖脆脆。佢哋要赞系因为紫薯已经够甜，所以其他嘢都唔会太甜，尤其系用豆腐雪糕，呢个加好多分！想再紫啲，叫埋杯紫薯latte，不过我觉得太over，衬杯伯爵茶好似好啲！