BBQ 7080 (已結業)

又食韩国菜啦不过今次食韩烧 呢间既环境好有工业味道 几特别 枱枱都有一瓶麦茶 好够冻 又可以解渴消腻 每人有四款调味 不过d肉本身都够哂味 所以都无咩点用到 除左加蒜片同肉一齐食之外 前菜都有四款 洋葱 豆腐 芽菜 泡菜 款款都水准平均 唔错 洋葱甜甜地 个底d汁好味 豆腐好嫩滑 芽菜够爽口 泡菜唔太辣 腌得啱啱好 点左五花腩 烤到金黄色既五花腩 食落好甘香 新鲜爽甜既生菜包住五花腩 一啖摆落口 简直系人间美味 仲有鱿鱼 得两小串 两三啖就食完 不过几爽口唔韧 鸡肉烧完都仲有肉汁 肉质几嫩  而且调得几好味 甜甜地咁 韩烧嗌左猪肉 鸡肉 又点可以唔叫埋牛肉啊 个牛肉又系调得好好味 几鲜味 最后又嗌多个贵过第一碟五花腩既黑毛猪五花腩 一黎到系好厚好大块 不过剪左一半黎烧 烧烧下先记得影相  其实贵d既五花腩都系同之前果碟差唔多味 不过都系超好食 唔系唔会叫多碟啦