紅雞

营业中

休息中

有人請食飯，埋單者推介“紅雞”，於是韓風繼續吹。好在有book位，星期五7點幾walk-in一定要等位。先上前菜【韓式拌牛肉沙律】，份量都幾多。牛肉醃得好入味，仲有肉汁，好似食緊烤牛肉。沙律汁似係用柚子醋，酸酸甜甜，好開胃！然後有【魚子芝士蛋捲】，size超級巨型！一上枱我地全部人一齊嘩，第一次食咁大的蛋捲。蛋身比較厚實，非常足料，但蛋入面的芝士略嫌少，冇咩拉絲。上面除咗魚子，仲有好多木魚絲，增加唔同口感。再黎【卡邦尼炒年糕】，相比之下份量比較少。內容除咗年糕，仲有腸，魚糕，雞蛋，菇。個汁好香奶味，不過唔夠creamy，好浠。我中意school food果卡邦尼年糕多d。炸雞分別要咗【無骨蒜香蜜糖】和【無骨香辣】。半份大約有6舊，另配薯條，不過麻麻地。兩款雞都好好味，外皮香脆，入面肉質鮮嫩多汁。無骨食得好爽，啖啖肉，食唔停口。其實香辣雞偏向甜辣味，非常惹味，不過友人覺得辣咗d，要不停飲水，但我接受到。最後當然唔少得【蜜桃雞尾燒酒】，一渣夠4人飲。甜甜的好易入口，唔太哽喉，下次可試其他味。