影片
更多
2004-12-14
18 浏览
事缘上次去桃花源同坐o系身旁既苏谦讲起大家都未试过人人赞颂既港大校友会而面包超人亦和议呢个聚会于是决定著手call人参加本来只预左一围既聚会到最后都有成二十二人报名(虽然最后都只系得十八人出席)今日叫左好多出名既小菜：杏汁白肺汤．云腿鸽片．炒仓鱼球．榄肉炒虾仁．古法盐焗鸡．菠萝咕噜肉．荷叶饭．鸡茸鹧鸪粥．生炒糯米饭杏汁白肺汤～果然系名不虚传，未入口已经闻到香气扑鼻，有淡淡既咸香，又见到面头白白既汤汁，卖相己经好吸引！饮左一啖，即时觉得系物有所值。白白既汤汁好滑，有菜干既咸香，加上d猪肺煲得好淋又唔靭，红枣亦香甜，果然系呢度既招牌汤水，下次一定要再饮过！云腿鸽片～系伙计极力推介，云腿甜甜地冇左一贯好咸既感觉，众食家都一致认为好味。但鸽片少左d，得几件，而且炒时夹杂左d鸽皮，多番d鸽肉会更好，个人认为整体不错，只系偏油左少少炒仓鱼球～系帮主一早预订既，但人少一定食唔晒，不过呢个真系好正，系今晚既必食推介！平时一般酒家都系以石斑起片或者球黎炒，今日都系第一次听用仓鱼起球炒，所以大家最初都以为系听错，到上台时大家先可以相信。期待已久终于出场，鱼片分为两种，啖啖鱼肉既只略略炸起，好滑又唔靭，好香
大家都未试过人人赞颂既港大校友会
而面包超人亦和议呢个聚会
于是决定著手call人参加
本来只预左一围既聚会
到最后都有成二十二人报名
(虽然最后都只系得十八人出席)
今日叫左好多出名既小菜：杏汁白肺汤．云腿鸽片．炒仓鱼球．榄肉炒虾仁．古法盐焗鸡．菠萝咕噜肉．荷叶饭．鸡茸鹧鸪粥．生炒糯米饭
杏汁白肺汤～果然系名不虚传，未入口已经闻到香气扑鼻，有淡淡既咸香，又见到面头白白既汤汁，卖相己经好吸引！饮左一啖，即时觉得系物有所值。白白既汤汁好滑，有菜干既咸香，加上d猪肺煲得好淋又唔靭，红枣亦香甜，果然系呢度既招牌汤水，下次一定要再饮过！
云腿鸽片～系伙计极力推介，云腿甜甜地冇左一贯好咸既感觉，众食家都一致认为好味。但鸽片少左d，得几件，而且炒时夹杂左d鸽皮，多番d鸽肉会更好，个人认为整体不错，只系偏油左少少
炒仓鱼球～系帮主一早预订既，但人少一定食唔晒，不过呢个真系好正，系今晚既必食推介！平时一般酒家都系以石斑起片或者球黎炒，今日都系第一次听用仓鱼起球炒，所以大家最初都以为系听错，到上台时大家先可以相信。期待已久终于出场，鱼片分为两种，啖啖鱼肉既只略略炸起，好滑又唔靭，好香既鱼味，而连有鱼骨既鱼肉就用左一层薄粉炸起，虽然有鱼骨，但条条都可以轻易咬出，口感较净鱼肉更好，我仲同另一食家lazyqueen 讲笑话如果KC o系度一定会话系送酒一流既食物，连伴碟既菜远亦都都又软又甜。因为呢碟太精彩喇，我地台坐成十个人，而隔离台只有八个人，所以食到尾时，见隔离仲有好多剩，我地仲出左招偷龙转凤添呀！
榄肉炒虾仁～呢个比较差，虾仁系好爽但系无味，似急冻虾仁多d，一句讲晒，唔得啰！
古法盐焗鸡～又系另一个要预订既菜，帮主本来系订炸子鸡架，但今日听伙记讲先知炸子鸡只系即叫，所以可能言语上误会左，因祸得福先有机会欣赏由KC推介既古法盐焗鸡。呢味鸡有别于平时食既盐焗鸡，颜色较深，但系d咸香味唔系一般死实实咁，而D鸡肉又十分嫩滑，好正呀！
菠萝咕噜肉～叫时伙记话会有紫姜架，但上台时问多次个伙记，佢先话呢个时节无紫姜㖞，搞到我同lazyqueen都好失望。好彩食落果然系皮脆肉嫩，但肥肉都几多下，一件有一半系肥猪肉，幸好d汁酸甜味适中，菠萝亦新鲜，配上酸甜汁都唔会太酸，整体都好好。
荷叶饭～又系要预订架！每口都有好多配料，而d饭明显系炒过再蒸，同台有食家话太干，但个人认为都ok㖞，我都几钟意。不过比较上次佢地黎食时影o个张相，好似细只左㖞！
鸡茸鹧鸪粥～睇个样似鸡茸粟米汤多d，幸好一上场已闻到好香既鹧鸪味，如果唔系既话我一定以为系上错菜，以为系汤羮黎架。食落有一丝丝似鸡肉既鹧鸪肉丝，粥底好棉，棉到唔觉食紧粥，加上滑滑既蛋白，再一次证明食家KC无介绍错。
生炒糯米饭～上次去桃花源时有人话呢度更正，于是叫左一个试下，但食完好失望，面包超人亦有同感，觉得都系桃花源好味d。无错，呢度既料系多d，但整体d饭炒得比较多油而且无乜咸味，较失色既一味。
虽然要每人220蚊一位，但整体而言，仍然系食得过，每味都叫人难忘，有一吃再吃既冲动，但人多食会较好，可以试多d唔同既菜。
花絮：共有四位食家无意中寻回佢地既至亲，可喜可贺，令到今日既饭聚变成提早既做冬饭。
张贴
