深宵食堂 (已結業)

今日去左铜锣湾找朋友拎D野，佢心情好请左我去距离时代广场两三分钟路程既深宵食堂食野，既然有佢请，价钱又实惠，一于样样都叫来试下，去大吃一餐。蟹肉沙律首先来个沙律清下个口先，蟹肉不少，味道清新，蔬菜爽口。太子鱼饼系佢既是日推介，不油，鱼饼有口感同埋鱼味的。生烧牛脷芯牛脷刚刚够熟，够爽口同埋有牛味，不错的。盐烧鸡翼不太咸，烧得够香口，调味亦ok，下次一定会再试。汁烧金菇肥牛卷汁不多也不少，肥牛有肉味，连埋金菇配搭得很好的。盐烧鲭鱼份量不少，岩晒钟意吃原条烧鱼的友人了。汁烧牛肉饭又一推介之选，牛肉够多，同埋牛肉汁配搭得很好。蒜片一口牛粒真的一口一啖一粒，有少少入口即溶既感觉，赞好！日式一口鸡有日式居酒居既鸡唐扬feel，热辣辣，够香口的。乌龙茶/菊花茶清爽，解喝relax之选。脆脆朱古力泡芙最后来个是日甜品，又饱又满足！