森戶 (官塘立成大廈) (已結業)

Item: 森戶 (官塘立成大廈)
Rating: 5
Author: uncommon.common

Morito もりと (Kwun Tong Lap Shing Building)

4.5

156 食记

味道

环境

服务

卫生

抵食

6041

牛头角

$101-200

日本菜寿司/刺身厨师发办

127

uncommon.common

等级4

305

近排多咗喜欢Omakase，成日周围去发掘又高质又抵食嘅Omakase，发现在牛头角有一间日本料理，有抵食嘅Omakase，立刻走去试吓。

Omakase 有三款选择，都几百蚊好抵食，二话不说就同朋友点了。

～刺身～
首先嚟个刺身先，一碟就有四款刺身，非常丰富。
📌白子：白子其实就系雄鱼嘅「精囊」，白子有丰富嘅鱼精蛋白同脂类，细滑如奶油、入口即溶，沾上酸汁同萝卜蓉，味道更好。
📌深海池鱼：深海池鱼肉比较厚，肉质鲜嫩肥美而油脂亦非常厚，鱼油甘香细腻，非常适合做刺身。
📌牡丹虾：牡丹虾系北海道三大名虾之一，只有特定捕捞季节，过了就冇所以渔获量非常少，所以相当珍贵，店这次用上大只的牡丹虾更是难能可贵，赞。
📌拖罗：拖罗有雪花似嘅油花非常肥美，小编一路食拖罗的油一路流出来，非常高质。

📌蒸蛋：小编好似有一段时间冇喺日本料理食到日本蒸蛋，这店嘅蒸蛋用上日本蛋，蛋香特别浓，加上有菇、蟹柳、葱、甚至有白果，非常吸引。

～寿司～
跟住就嚟到寿司，在食寿司，店提供自家腌萝卜渍，呈红色加上酸酸甜甜，非常开胃。

📌白虾：店就系有心思将平凡做到不平凡，在白虾加一点柚子皮，增加甜度口感。
📌北海道帆立贝：帆立贝今次加了黑炭盐，盐有提鲜作用，赞。

📌活北寄贝：北寄贝加咗青柠汁令味道更清新。
📌活赤贝：有「贝类中的女王」之称嘅赤贝味道非常鲜美，肉质又爽脆。

📌针鱼：针鱼的下颚尖长得似一根针，鱼身幼长，肉质较淡但好，针鱼片配上寿司饭，鲜甜感觉更实在。
📌加拿大牡丹虾：这个牡丹虾寿司师傅特意保留虾尾，感觉新鲜，虽然冇用上日本牡丹虾，但加拿大牡丹虾亦相当不错，仍然有𠮶份鲜甜味。

📌鲭鱼：鲭鱼在日本料理比较多系照烧，这店用鲭鱼做寿司，一定系因为对寿司新鲜度有信心。师傅话鲭鱼冇醋渍过，因为本身油份和新鲜度已经足够，入口亦真系感觉鲜甜。鲭鱼上有姜蓉和葱花，可作点缀又可以增加一点口感。

📌鲛鲽鱼：鲛鲽鱼真系比较少见，小编今次又见到非常开心，鲛鲽鱼系鲽鱼中比较高档，肉质比较细嫩鲜美弹牙，而师傅用心嘅系将有烧过的鱼边放在上边，令到鱼油由上面渗入到下面，第一次见，真系好有创意。
📌鲂𫚒鱼：鲂𫚒鱼鱼身颜色呈粉红同白色互相交杂，肉质比较扎实，味道亦清甜，师傅今次用葱花辣椒萝卜盐同芝麻，令鱼味更特出。

📌金目鲷：金目鲷全身鲜红，似大眼鸡鱼，愈大条油分愈甘香，系高级日本料理嘅常用食材，师傅用金目鲷做寿司，赞。
📌深海池鱼：在刺身出现过深海池鱼，寿司又再次出现，不过今次有酱油渍过，又加入紫苏叶，令鱼鲜味更特出。

📌𩽾𩾌鱼肝：𩽾𩾌鱼肝口感比鹅肝实少少，完全冇腥味，唔腻，加上用柚子酸汁腌过嘅葱花同辣椒萝卜盐，令味道整体更出色。
📌烧拖罗薄片：拖罗通常刺身食，但烧亦唔错，师傅将拖罗切薄片，烧过后仍然感觉肥美，仲有烧香味，非常喜欢。

📌吞拿鱼脸颊肉：吞拿鱼嘅脸颊肉肉质比较有弹性，系整条鱼最贵同埋最有口感肉嘅部位，小偏编第一次食，印象深刻。
📌A4和牛：虽然冇用最顶级嘅A5和牛，但A4已经相当不错，牛味出众，肉质非常嫩滑。

📌海胆寿司：海胆寿司好似系Omakase嘅指定动作，日本海胆一向冇令人失望，一样嘅鲜甜。

📌葱拖罗蓉手卷：拖罗真系好利害，有好多食法，今次系拖罗蓉，拖罗嘅鲜味仍在只系口感变得更骨，放入手卷同紫菜一齐食，滋味无穷。

📌鲷鱼汤：最后嚟个鲷鱼汤，鱼汤非常甜美，加上菇同豆腐作汤料，味道更特出。

📌甜品：香蕉和柚子味雪糕，比较少见，味道亦非常好，用这两杯雪糕做结尾，整餐Omakase都完美地结束。