影片
更多
2018-02-12
374 浏览
我系呢个月内「被逼」食第二次北京片皮鸭，两班唔同既朋友不约而同提出要食鸭，上次食左大都，呢次就试美心旗下既美中鸭子。冇错啦，美中鸭子就系一间专门叫鸭，啊唔系，食鸭料理既店，京淮菜再加粤菜，口碑唔错，加之位于海港城，所以都预左要拎飞排队。终于，等左四十分钟就可以入去。话之明食鸭，当然唔少得叫半分片皮鸭，不过由于太多人既关系，等只鸭上又等左廿分钟。先上既系小笼包，都可以填填肚。一笼6粒，皮薄而透，隐隐约约都睇到入面D汤汁，一口咬落去更系不得了，D皮冻融化晒左汤，系舌尖上流入喉咙，好鲜甜。食食下鸭终于得啦！半份鸭配鸭皮、一笼荷叶蒸饼皮另外有京葱青瓜同填鸭汁。鸭皮好酥脆，呢点抵赞，但系亦要批评，同上次我系大都食到既鸭皮相比，呢度脂肪好似冇刮到咁，入口感觉比较肥腻。鸭肉份量都算出奇地多，比起鸭皮多成倍，有种妹仔大过主人头既Feeling。虽然肉多，但可惜有D松散，荷叶饼都稍微厚左D。如果话专程黎食呢个鸭，老实讲我系有失望既，因为比起大都只烤鸭呢度系冇咁出色。马头兰百页素卷，以百页（豆皮）包住切碎左既菜苗，样子非常精致，味道就清清淡淡好清新，可减油腻感。茶树菇上汤翡翠苗，中规中矩，就系上汤浸豆苗，
冇错啦，美中鸭子就系一间专门叫鸭，啊唔系，食鸭料理既店，京淮菜再加粤菜，口碑唔错，加之位于海港城，所以都预左要拎飞排队。终于，等左四十分钟就可以入去。
话之明食鸭，当然唔少得叫半分片皮鸭，不过由于太多人既关系，等只鸭上又等左廿分钟。先上既系小笼包，都可以填填肚。一笼6粒，皮薄而透，隐隐约约都睇到入面D汤汁，一口咬落去更系不得了，D皮冻融化晒左汤，系舌尖上流入喉咙，好鲜甜。
食食下鸭终于得啦！半份鸭配鸭皮、一笼荷叶蒸饼皮另外有京葱青瓜同填鸭汁。
鸭皮好酥脆，呢点抵赞，但系亦要批评，同上次我系大都食到既鸭皮相比，呢度脂肪好似冇刮到咁，入口感觉比较肥腻。
鸭肉份量都算出奇地多，比起鸭皮多成倍，有种妹仔大过主人头既Feeling。虽然肉多，但可惜有D松散，荷叶饼都稍微厚左D。如果话专程黎食呢个鸭，老实讲我系有失望既，因为比起大都只烤鸭呢度系冇咁出色。
马头兰百页素卷，以百页（豆皮）包住切碎左既菜苗，样子非常精致，味道就清清淡淡好清新，可减油腻感。
茶树菇上汤翡翠苗，中规中矩，就系上汤浸豆苗，不过加左我钟意既茶树菇，味道都几鲜,同埋好有效地减低片皮鸭带黎既「漏」。
麻婆豆腐，唔系话特别惊艳，麻味辣味都唔系好出，但佢地加左鸡纵菌入去，添加左一层鸡肉鲜味。
炸松叶蟹钳，要两只起Order，蟹钳都叫大只，入口冇油压味，外脆内爽口，蟹胶好弹牙，点埋只甜酸酱更加系天衣无缝。
就好似上面咁讲，如果话专登为左片皮鸭黎食，等既时间同只鸭既味道未令我觉得需要真系花时间等候。店既环境系舒适既，睇落都系精致既，不过我要等咁耐就免啦！
张贴
