影片
更多
2013-10-09
605 浏览
同阿亨一向都喜欢系MegaBox睇戏，贪容易买飞又距离公司唔远。亦因为咁，好多时都系返商场食饭。旧年食过呢度个啤酒节套餐之后，对呢间餐厅有好深刻既印象，所以定时都会黎呢度帮衬 (落单前出示戏飞有折)。早排系yxxxx! 又见到呢度有啤酒节套餐团购，仲多左个四人餐拣，二话不说，即刻买左张四人餐约阿亨同朋友啤一啤 拣左星期四晚去，七点半到，已经full左大半。好喜欢只啤酒杯，有啤酒节贴纸，有feel。四人啤酒节套餐相当丰富，上台果阵，大家都"哗"左一声。(我冇，因为我有睇过相)食物包括四客是日餐汤、德国并盘(什锦香肠、烧猪手、烧无骨春鸡、芝士忌廉焗薯、烧蔬菜)、当然仲有四枝啤酒。是日餐汤：果晚系杂菜汤。汤够热，portion又大，味道唔错。什锦香肠：一共有五款肠，每条都烧到有grill纹，好吸引。当中有我喜爱既纽伦堡肠，正！烧猪手：皮非常脆，一落刀切果下，好似切薯片。猪手唔干身亦唔太咸。烧无骨春鸡：无骨系一个卖点，实在食得好方便。平时比较少食春鸡，呢度整既春鸡，肉juicy又嫩，好食。一试爱上。芝士忌廉焗薯：系potato gratin，薯仔切片加忌廉汁煮，再加芝士焗。薯仔索左忌廉汁，但
早排系yxxxx! 又见到呢度有啤酒节套餐团购，仲多左个四人餐拣，二话不说，即刻买左张四人餐约阿亨同朋友啤一啤
拣左星期四晚去，七点半到，已经full左大半。
好喜欢只啤酒杯，有啤酒节贴纸，有feel。
四人啤酒节套餐相当丰富，上台果阵，大家都"哗"左一声。(我冇，因为我有睇过相)食物包括四客是日餐汤、德国并盘(什锦香肠、烧猪手、烧无骨春鸡、芝士忌廉焗薯、烧蔬菜)、当然仲有四枝啤酒。
是日餐汤：果晚系杂菜汤。汤够热，portion又大，味道唔错。
什锦香肠：一共有五款肠，每条都烧到有grill纹，好吸引。当中有我喜爱既纽伦堡肠，正！
烧猪手：皮非常脆，一落刀切果下，好似切薯片。猪手唔干身亦唔太咸。
烧无骨春鸡：无骨系一个卖点，实在食得好方便。平时比较少食春鸡，呢度整既春鸡，肉juicy又嫩，好食。一试爱上。
芝士忌廉焗薯：系potato gratin，薯仔切片加忌廉汁煮，再加芝士焗。薯仔索左忌廉汁，但唔会太腍，夹埋芝士食，非常好味！我地三下手势已经食哂成兜，仲有d唔够喉。
烧蔬菜：用串针串好黎烧，有芦笋、洋葱、甘笋仔、菠萝、意大利瓜同三色椒，卖相好好。
呢个套餐确系好抵食，份量够，四个人要食哂有d难度。
饮下酒倾下计，又食左个几钟，满足
题外话/补充资料：
一如以往，服务态度好好。
呢度其他野食都唔错，喜欢食意粉、汉堡同扒类o既人可以黎试试。
(以上食记乃用户个人意见 , 并不代表OpenRice之观点。)
张贴
