滿屋日本料理 (已結業)

今日同朋友去左食呢间开左好耐既放题，唔洗等好耐就有位而且服务都几好。 👍🏻餐厅环境都唔错，叫左野食都好快就来到，而且冇咩漏单。野食方面，刺身都几新鲜，尤其是三文鱼🐟好滑同大大件。叫左几款寿司都觉得好味，钟意佢饭团够冻同埋实，唔似有时出面d寿司一夹起就散晒，花之恋都相当足料，好大份。其他野食都做得几好，羊鞍食落觉得几香，牛舌唔会太坚韧亦唔会太软，天妇罗都炸得好香脆。甜品既款式非常多，有啫喱、木糠布甸、芝士蛋糕等等，而值得一讲既系一人一个既雪糕可以拣 haagendazs 或者movenpick，两种都好好味。餐厅整体来讲都好唔错。