新翠華茶餐廳 (已搬遷) 新店位置

琴晚(23/11)七点几，见好耐无食过煲仔饭，天气凉左好多，系食煲仔饭0既时候了，所以两个人就黎左开餐。等左一阵，有得坐卡位，本来都好开心下，但后来食食下，开始觉得唔多对路，硬系觉得有d水系上面滴落黎，都几密下，初头以后自己feel错，后来越落越大，都几严重下，要拿拿林用tissue接住d水先，我地自己d野都有整湿到。原来系冷气机滴水，我地原本想掉位，但侍应话关左部机就无事㖞。但食食下都有少少再滴落黎。希望部冷气机会整番好，下次唔会再发生同样0既事啦。因为一路食，都好唔安心，怕再滴过。叫左腊肠滑鸡煲仔饭，同埋土鱿肉饼煲仔饭。d饭无对上一次食咁㶶。野食ok，希望环境可以改善下啦，因为其实都唔平架。