熱點點心專門店

营业中

休息中

同朋友行街，行开附近，话想饮下茶，就近黎左呢间点心专门店。因为饭点原因，都基本full左，需要等一阵。睇菜单，价钱唔算贵，大众价，甘就要睇质素先见真章。例牌虾饺，烧卖，凤爪。呢度要赞一下虾饺烧卖都可以两件起叫，十分人性化。凤爪好唔错，入味够冧。瑶柱菜苗饺强烈推荐，瑶柱的咸香搭配菜苗的清新，好鲜味。朋友见到个猪仔好得意，又叫左一份，紫薯流心，甜而不腻，唔似奶黄流心甘腻。平时杨枝甘露就饮得多，糕就真系第一次见。梗系要试下啦，都强烈推荐啊，个人感觉比饮品仲要有层次，而且清甜而不腻，赞！！！距地炖汤都好唔错，叫左个海底椰清下热，感觉无味精，有阿妈炖汤的水准，都好难得。总括价钱大众化，点心质素够水准，都无得输。