三希樓 (已結業)

系朋友既浸淫下，貌似可以越来越辣，今次又胆粗粗跟队去食川菜，仲系听说系半山开到黎铜锣湾既餐厅。川菜必叫水煮鱼今次都唔例外。未食之前店员建议先起辣椒以免浸得耐会太辣，我当然同意😂。鱼肉厚厚，麻香入晒肉，但仲非常嫩滑，煮得岩岩好！平时食到尾太辣既薯粉今次我都食到晒，太好！建议好辣既朋友可以浸耐d辣椒先。😝四川担担面都系我必食之选，面质有d稔，比其他餐厅偏辣，但好香。个人意见多d花生味会更好！蛋黄南瓜超抢fo! 非常浓郁既咸蛋黄沙包住唔太稔又唔太硬煮得岩岩好既超甜南瓜，好惊喜！食得多有d腻但会忍唔住继续食。椒盐排骨架买相好靓，逐旧叠起好有心思。肉唔会好干，加埋d葱食唔会好咸，几好。最后既甜品系流沙包，本身系川菜馆有流沙包已经好意外，而佢热腾腾咁攞出黎更加冇得输。