The Grill Room (The L. Square) (已搬遷) 新店位置

我哋两个好少食西餐，但次次食西餐都系一啲庆祝嘅活动，所以嚟到白色情人节，我哋就想据吓扒，轻轻松松咁Chill吓。A姐话想Chill又想Grill？所以今日嚟到铜锣湾嘅The Grill Room，提早订好位，享受我哋嘅二人晚餐。青苹果巴马火腿藜麦杏仁沙律巴马火腿嘅份量唔少，带有咸咸哋嘅油香，沙律菜上加入藜麦同杏仁，令口感更丰富，而青苹果微酸，好清新！甘笋忌廉汤忌廉浓郁香滑，加上甘笋后，令汤底更鲜甜，好好味！烧猪腩肉盐味焦糖汁配青苹果沙律烧猪腩肉最重要当然系脆卜卜嘅皮啦，唔食真系对唔住自己呀，好松化呀！而一层肥一层瘦嘅肉，比例啱啱好，好嫩滑好juicy。猪腩肉上铺上沙律菜，油腻感大减。葡式香辣烧鸡配黑松露薯条烧鸡层皮好薄，所以烧得好香脆，而肉厚身，大大只，够晒饱。而鸡本身用葡式香辣腌过，所以够入味，仲好juicy。除咗配上沙律菜，仲有一大兜黑松露薯条，热辣辣脆卜卜，好抵食。法式椰奶冻配芒果汁 / 焦糖朱古力蛋糕套餐除咗一份前菜同一份主菜，仲有一个甜品，今日嘅甜品有法式椰奶冻配芒果汁或焦糖朱古力蛋糕，两款都好香滑，好好味！（记住Like同Share畀朋友）