和平餐室 (禾輋廣場)

营业中

休息中

昨日带囝囝去沙田运动场到跑步，就近近地行去对面个禾𪨶商场食晚饭，发现有间装修几特别嘅餐厅「和平餐室」，门口见到有个烧味部，就系个烧味部的设计，吸引左我今日去试吓！我地一行4人，叫了三个小菜，叉烧烧朒仔例牌、通菜炒牛肉、咖喱牛腩（经理推介）、一碗汤粉米！每个𩠌都会跟个白饭及餐汤，我地仲叫咗两杯冻柠茶，埋单＄229！价钱尚算合理，品质方面就要大赞，叉烧真系好食到，媲美大酒楼，叉烧够「淋」，肉质鲜嫩，最重要系每件带一点肥，我哋就问过经理，点解啲叉烧咁好食，经理就话佢哋系用啲上等嘅梅肉👍🏻，在每日不同时段，新鲜自家烧的，所以佢哋啲叉烧特别好食！至于烧腩仔亦松脆，外脆内软，也值得推介。至于经理推介的咖喱牛腩，亦冇介绍错，咖喱汁香浓带点辣，送饭一流，牛腩亦炆煮得够淋，最后个通菜牛肉就中规中矩，如果啲菜可以多一啲就好啦。当我地买单嘅时候，小朋友见到门口个炮谷机，就好开心问可唔可以食架，有一个姐姐就请左少少佢哋食添，呢间铺头嘅员工态度都几亲民，环境又坐得舒适，钟意食烧味嘅，仲可以外卖！