翠苑燒臘飯店 (已結業)

今日晚上唔煮饭，又再出街觅食。不过又唔想食得太饱，又想食肉，谂谂下屋企附近有间烧味饭，外卖饭盒都系２７蚊。之前成日都想试，成日都见大排长龙，一到大时大节，个个都黎呢间斩料，今日一于黎试一试。系门口企左一阵，谂紧食双拼定单拼，谂谂下都系食单拼，食叉烧饭算，因为我钟意食叉烧，唔想食双拼分薄左Ｄ叉烧数量。先买飞，然后系门口等，等左约５分钟就有。返到屋企（约十分钟路程），仲热既，而且有汤送，都不错。叉烧全部都系唔肥，颜色系靓既，食落都系好味，唔系摆左好耐同谐口。Ｄ饭都算多。以２７蚊叉烧饭，绝对性价比系高。