英都燒味廚房

营业中

休息中

我觉得黄大仙凤凰新村一带，最好食一定系烧味饭。今日我同朋友去食，我叫咗乳猪叉烧饭。先讲乳猪，外皮趣卜卜，乳猪肉多肥少，轻轻点小小乳猪酱同白饭一齐食，冇得顶。 跟住试一啖叉烧，大啖咬落去，果然个片叉烧肉肥瘦适中，叉烧又淋又滑，酱汁惹味，香香甜甜，真系冇得弹。相比其他烧腊店，嚡熠熠或者琳back back叉烧肉，又或者干争争、肥嘟嘟乳猪，𠮶啲真系贴钱买烂受，只会食到个胃好辛苦。呢间烧腊咁好食、咁有水准，听讲烧味系自己厨房出品，同其他街舖比较，应该唔系中央工场、都唔系交货。大热天时，烧味店居然有自家制清凉饮品，冻薏米柠檬水，食完碟饭，饮杯薏米水，清清凉凉又健康，真系觉得好舒服。整体嚟讲烧味师傅真系有水准！食材够新鲜，值得一赞！